Sat. Jul 2nd, 2022
    અમદાવાદ મહાનગરપાલિકાના મોટાભાગના આસિસ્ટન્ટ ડાયરેક્ટરોની ફરજ પ્રત્યેની ભૂડી ભૂમિકાને કારણે કોર્પોરેશનની તિજોરીને લાખોનું નુકશાન…!

    Share with:


    અમદાવાદ મહાનગરપાલિકાના મોટાભાગના આસિસ્ટન્ટ ડાયરેક્ટરોની ફરજ પ્રત્યેની ભૂડી ભૂમિકાને કારણે કોર્પોરેશનની તિજોરીને લાખોનું નુકશાન…!
    ## Jan Samruddhi Breaking News
    અમદાવાદ મહાનગર પાલિકામાં દિવસ અને રાત્રિની સફાઇ કરાવવા માટે જે તે મંડળીઓ અને સંસ્થાઓને લાખો રૂપિયાની કામગીરી સોંપાય છે મંડળીઓ અને સંસ્થાના જે કર્મચારીઓ કામ કરે છે તે કર્મચારીઓના નામોની નોંધ વોર્ડ કે ઝોન લેવલે રખાતી નથી જેથી જે તે જગ્યાએ ઓછા કર્મચારીઓ મૂકી વધારે કર્મચારીઓની સંખ્યા દર્શાવી કોર્પોરેશનની તિજોરીને લાખો રૂપિયાનો ચૂનો લગાવી રહ્યા હોવાની ચોંકાવનારી માહિતી મળેલ છે.
    અમદાવાદ મહાનગરપાલિકાના સોલિડ વેસ્ટ મેનેજમેન્ટ વિભાગ માં સફાઇની કામગીરી કરતી મંડળીઓ અને સંસ્થાઓ દ્વારા વધારે કર્મચારીની અને વધારે કલાકોની કામગીરી કરવા માટે મંજૂરી મેળવે છે જ્યારે ખરેખર તે જગ્યા ઉપર ઓછા કર્મચારીથી અને ઓછા કલાકોમાં કામગીરી પૂર્ણ થતી હોવા છતાં વોર્ડના પી. એચ. એસ. અને ઝોનના આસિસ્ટન્ટ ડાયરેકટર દ્વારા આ ગેરકાયદેસર કામગીરીને નજર અંદાજ કરી કોર્પોરેશનની તિજોરીને લાખો રૂપિયાનું નુકસાન થતું હોવા છતાં ચૂપકીદી સેવી ને હાથ પર હાથ ધરી એ.સી. કેબીનોમાં બેસી રહેતા હોવાનો અહેસાસ જાગૃત નાગરિકો કરી રહ્યા છે.
    કહેવાય છે કે મંડળીઓ અને સંસ્થાઓ રાજકીય નેતાઓના ઇશારાથી પોતાના મળતિયાઓને અપાતી હોવાથી મંડળીના માલિકો અને જવાબદાર અધિકારીઓની ભ્રષ્ટાચારિક નીતિના કારણે આ બાબતમાં કોઇ સુધારો આવે કે ચોક્કસ પ્રકારનું મોનીટરીંગ થાય તેવા પ્રયત્નો હાથ ધરાતા ન હોવાનું જાણવા મળેલ છે.
    મહાનગરપાલિકામાં વધુ કર્મચારી અને વધુ કલાકો દર્શાવી કયા કયા કોન્ટ્રાક્ટરો કોર્પોરેશનની તિજોરીને લૂંટી રહ્યા છે અને કયા અધિકારીઓ ચૂપકીદી સેવી રહ્યા છે તેનો વિસ્તૃત ચિતાર જોતા રહો જન સમૃદ્ધિ ન્યુઝ…

    Share with:


    Avatar

    Leave a Reply

    Your email address will not be published.